棄舊迎新一年
【Bonnie Man #女人像鹽 : 棄舊迎新一年】
新年係一個重整自己思絮、重整生活嘅好時機。所謂”棄舊迎新”，你或者你身邊嘅人又有無發生過？
我覺得好多男人都會有喜新嘅企圖，尤其係上咗年紀嘅男人，但係又唔代表佢哋會同時厭舊。就正如搞婚外情或者有小三嘅男人，就算佢有幾喜歡另外一個，覺得有幾相逢恨晚都好，好多時最後都會因為責任而唔會拋妻棄子。當然都唔排除會出現同妻室恩斷義絕嘅男人啦。男性心理有保護女性嘅天性，大概任何一方掉下眼淚佢都會容易心軟。
女人若要花心，大部分嘅歷程都會係厭舊喜新甚至棄舊迎新 ，女人對於追求自己眼前嘅幸福往往比較勇敢同乾淨俐落。而且對於女人，性同愛係好難分開，好多時都需要有咗精神上嘅安全感先至會付出性，所以好多時佢哋都寧願早日了斷令人難堪嘅感情瓜葛，先開始下一段嘅戀情。
顯而易見，女人對於感情比較執着同投入，亦即係話喺呢一個美麗嘅陷阱亦會跌得更傷更痛，所以話有時候理性一點並唔係無道理。
#講返聲新年快樂先 #女人像鹽
Search